കടലും നിലാവും പൂക്കളും
മഴമേഘവും മടുത്തു........
വേനല്‍ ചൂടില്‍ വീശിയുറക്കിയും
മഴക്കുളിരില്‍ പുണര്‍ന്നുറങ്ങിയും
വന്ധ്യമായ്‌ തീര്‍ന്ന രാത്രികള്‍ ....
വിഷപ്പല്ലാഴ്ന്നിറങ്ങിയ പൊക്കിള്‍ ചുഴിയില്‍
ഇരുട്ട് വന്നുമ്മവച്ചു.....
ഗര്‍ഭപാത്രത്തിലെ ദ്യുതി
ഒരു കാപ്സ്യൂളിന്‍റെ കുത്തേറ്റു
ചിതറിപ്പോയ്‌ ....
ചുണ്ടില്‍ നുരഞ്ഞുപൊന്തിയത്
മുലക്കന്ണോളം ഒലിച്ചിറങ്ങി
വ്രണങ്ങളില്‍ അളച്ചത്
മുഖമറിയാത്തവന്‍റെ ബീജങ്ങള്‍ ....
പോസ്റ്റുമാര്‍ട്ടം കഴിഞ്ഞും
പുളച്ചു മറിഞ്ഞു മാധ്യമകീടങ്ങള്‍ ;
പരേതയ്ക്ക് ഭൂതം, വര്‍ത്തമാനങ്ങളായ് ........
