Saturday, 9 April 2011

ഒടുവില്‍........
ഒഴുക്കിലെ ചുഴിച്ചുരുളിലേയ്ക്ക്‌
ആണ്ടാണ്ടു പോയത്
ഒരു ക്ഷണക്കത്ത്;
അകലെനിന്നും ജീവിതത്തിന്‍റെ
മേല്‍പാലത്തിലേയ്കുള്ള
ഒരു ക്ഷണക്കത്ത്.........

മുറിവുണങ്ങാനിട്ട തീരങ്ങളില്‍
ജാതിമരങ്ങള്‍ പൂത്തത്
ക്രിസ്തുവിനും മുന്‍പാണ്......
എന്നിട്ടും ഇന്നും
മുറിവുകളില്‍ പച്ച മണക്കുന്നു.........

സ്വപ്നങ്ങളെ തള്ളിയിട്ട
കയങ്ങളില്‍നിന്നും
രോദനം..........

മഷിക്കുപ്പി ചോര്‍ന്നൊലിച്ചു
പെരങ്ങിപ്പോയത്
നീയോ......??? ഞാനോ.....???...!!!

ജീവിതത്തിനു ചുറ്റും
വേലികള്‍ മുളയ്ക്കുന്നു...
ഒടുവില്‍
എത്ര ഉത്തരം മുട്ടിയിട്ടും
വേലിയ്കുള്ളില്‍ ലജ്ജയില്ലാതെ
ഓരോ നിമിഷങ്ങളിലും
ആത്മഹത്യ ചെയ്യപ്പെടുന്നു........ ജാലകം

Tuesday, 5 April 2011


ഒഴുക്കിലേയ്ക്ക്‌ ഇറങ്ങിയത്
കടലിന്‍റെ ആഴം കാണാനാണ്;
കര പ്രതീക്ഷിച്ചല്ല.......................
നീന്തലറിഞ്ഞിട്ടും
നീന്താതിരുന്നത്
ആഴം ആഗ്രഹിച്ചതുകൊണ്ട് മാത്രമാണ്....
പടികളിറങ്ങുമ്പോള്‍
പറഞ്ഞിട്ടുപോകണമെന്നു
എന്തിനു വാശിപിടിക്കണം........
എന്‍റെ കുഞ്ഞാകാശം
നിന്നെ വിശ്വസിചേല്‍പ്പിക്കുന്നു
-നിന്‍റെ മക്കള്‍ക്കുള്ള
എന്‍റെ സമ്മാനം ജാലകം

Monday, 4 April 2011



ഒരു ജാരനെപ്പോലെ
പതുങ്ങിവരാതെ
ഒരു കാമുകനായ്‌
തലയുയര്‍ത്തിപ്പിടിച്ചു വരൂ.....
എന്‍റെ കവിളുകളിലെ
നുണക്കുഴികളില്‍
ഒളിച്ചുവച്ചത് ഞാന്‍
നിനക്ക് തരാം....
ജാലകം

Wednesday, 30 March 2011


കവിത തുളുമ്പുന്ന എന്‍റെ
വാക്കുകള്‍ അയാള്‍
ശ്രദ്ധിച്ചു കേള്‍ക്കുകയും,
കുറിചെടുക്കുകയും
ചെയ്യുന്നുണ്ടായിരുന്നു......
ഞാന്‍ സന്തോഷിച്ചു
അയാള്‍ എന്‍റെ കവിതയെ
സ്നേഹിച്ചു തുടങ്ങിയെന്നു
പക്ഷെ,
എനിക്ക് മാത്രം എന്നു
നിഗൂഡമായ് ഞാന്‍
ആനന്ദിച്ചിരുന്ന
വൈകാരിക നിമിഷങ്ങള്‍
കവിതകളായ്‌ അയാള്‍
പ്രസാധകര്‍ക്ക് വിറ്റു....
എന്‍റെ മൌനം തുടങ്ങിയത്
ഇവിടെ നിന്നായിരുന്നു....
അയാളെനിക്കെറിഞ്ഞു തന്ന
ഏകാന്തതയുടെ
വീര്‍പ്പുമുട്ടലുകളാണിന്നു ഞാന്‍

ജാലകം

Thursday, 24 March 2011


വിരസതയുടെ മഴക്കമ്പികളില്‍
മെല്ലെ തൊട്ടു നോക്കൂ.......
നീ കേള്‍ക്കുന്ന സംഗീതം
ഞാനാണ് ഞാന്‍ മാത്രം.....


ജാലകം

Monday, 21 March 2011

എനിക്കൊന്നും പറയാനില്ല

നിന്‍റെ ഫോണില്‍ വ്യഭിചരിക്കപ്പെട്ടത്
എന്‍റെ മനസ്സ്‌.......
നിന്‍റെ കീപാടുകള്‍
എന്‍റെ ചുണ്ടിലെ പുഴുക്കുത്തുകള്‍ ........
ഒരു ബാറ്റെറിയുടെ വേലിയിറക്കം
കൊണ്ടുപോയത്‌ എന്നെയും....... ജാലകം

Thursday, 17 March 2011


പേര് സാമുവല്‍
പേര് സാമുവല്‍ .....
വയസ്സ് മുപ്പത്തിയാറ്......
അവിവാഹിതന്‍ ......
തൊഴില്‍ റിയലെസ്റ്റെറ്റ്......
അഥവാ ബ്രോക്കര്‍ .......
നാക്കുകൊണ്ടു കവിതയെഴുതും......
മണ്ണിന്‍റെ രാസഗുണം
മണത്തറിയും.........
ചെരിപ്പിടാറില്ല......
വാങ്ങുന്നവനെയും വില്‍ക്കുന്നവനെയും
ഒരുപോലെ ചതിയ്ക്കും......
കൂറ് തന്നോടുമാത്രം.....
ഇന്നലെ രാത്രി മരിച്ചു....
കരള്വീക്കവും, മൂത്രത്തില്‍ കല്ലും....
പേര് സാമുവല്‍ .......
വയസ്സ് ....... ജാലകം